Fyrsta sprettkeppni Kayakklúbbsins fór fram laugardaginn 28. maí og segja má að allir hafi farið heim með bros á vör og nokkuð ljóst að þessi keppni er komin til að vera.

Allir keppendur notuðu eins kayaka,Valley Aquanaut Club og eins árar.

Fjórar konur og tíu karlar kepptu, konur í einum riðli en karlar í tveimur. Þar sem þetta var frumraun í svona keppni, 300 metra braut fram og til baka, kom nokkuð á óvart hve erfitt þetta var. Sérstaklega reyndi á menn þegar snúa þurfti 180 gráður og vera fljótur að og einnig var nokkuð krefjandi að hafa smá hliðarvind.

En myndir tala sínu máli:
Sigurjón
Sævar

Vorhátíð Kayakklúbbsins var haldin á laugardaginn 7. maí og segja má að vel hafi til tekist, sólin brosti sínu blíðasta og kári lét vart á sér kræla. Margir komu til að hvetja keppendur, njóta útiveru, fá pylsu og kók og síðast en ekki síst til að fylgjast með þyrluæfingum Landheldisgæslunnar.

Kappróðurinn var hefðbundinn, 10 og 3ja kílómetra vegalengdir, og gaman var að sjá marga nýja félaga mæta, sérstaklega í 3ja kílómetra slaginn.

Landhelgisgæslan á heiður skilið fyrir sitt framlag, en hún mætti bæði með þyrlu og björgunarbát til æfinga með kayakmönnum. Mjög mikilvægt er fyrir kayakmenn að kynnast því hvernig það er hafa þyrlu hangandi yfir sér úti á sjó, en ógnar sterkur vindurinn frá þyrluspöðunum er ekkert lamb að leika við

Úrslit keppninnar voru eftirfarandi (Ýtið á Nánar / Read more) :