Nánari lýsingar á einstaka ferðum verða settar á Korkinn þegar nær dregur hverjum viðburði.
Skýringar á "árum"/erfiðleikastigi ferða er að finna hér.
Útilega. Róið verður út í Engey eða Akurey og gist þar í tjöldum. Að morgni laugardags verður sameinast félagsróðri. Allur viðlegubúnaður skal tekinn með, prímus, svefnpoki, aukaföt o.s.frv. Mæting í Geldinganesi kl. 21 á föstudagskvöld.
Umsjón: Örlygur Sigurjónsson
Kayakklúbburinn stendur árlega fyrir nokkrum skemmtilegum keppnum fyrir félagsmenn sína og samanlagður árangur sker úr um hverjr verða útnefndir kayakmaður ársins og kayakkona ársins, þó kemur fyrir að menn séu útnefndir vegna sérstakra afreka eins og að róa einir síns liðs hringinn í kringum landið.
Í ár fóru fram fjórar keppnir, Reykjavíkurbikarinn, Spretturinn, Hálfmaraþon og Bessastaðabikarinn.
Reykjavíkurbikarinn er haldinn á vorhátíð klúbbsins, venjulega í byrjun maí, en þá hittast félagsmenn í aðstöðinni við Geldinganes og keppa, grilla, spjalla og fá þyrlu Landhelgisgæslunnar til að taka með sér björgunaræfingar.
Spretturinn er tiltölulega ný til kominn, en þá er keppt í stuttri vegalengd þar sem allir keppendur eru á sams konar bátum og með sams konar árar. Þessi keppni er einstaklega skemmtileg til áhorfs og oft handagangur í öskjunni.
Hálfmaraþonið er keppni þar sem róið er milli Nauthólsvíkur og aðstöðu klúbbsins í Geldinganesi, en þar reynir virkilega á úthald og undirbúning. Keppendur fá 5 mínútna hlé út á Gróttu, geta þá safnað smá kröftum og innbyrt einhverja orku.
Bessastaðabikarinn þetta árið var öðruvísi en venjulega og ákveðið var að róa frá Skógtjörn og inní Hafnafjarðarhöfn, en áður var róið frá Skógtjörn og norður fyrir Álftanesið og það nokkurn veginn hringað inní Lambhúsatjörn og land tekið við Bessastaði. Kayakklúbburinn Sviði á Álftanesi sem hefur haldið utanum Bessastaðabikarinn undanfarin ár var í samstarfi við Þyt í Hafnarfirði með þess nýju leið og verður vonandi framhald á því.
Þetta árið urðu hlutskörpust Unnur Eir Arnardóttir í kvennaflokki með 300 stig og Ólafur B. Einarsson í karlaflokki með 380 stig en alls voru 400 stig í boði fyrir hvern keppanda
Kayakklúbburinn Sviði á Álftanesi sem hefur haldið utanum Bessastaðabikarinn undanfarin ár var í samstarfi við Þyt í Hafnarfirði með nýja leið í keppninni 30 sept.
Róðrarleiðin var frá aðstöðu Sviða á Álftanesi og inn í höfnina í Hafnarfirði og alveg að rampnum við aðstöðu Þyts. Mér reiknast til að þetta hafi verið 5,4km og fyrstu menn kláruðu þetta á hálftíma og síðustu á tæpum klukkutíma.
Veðrið var eins og best verður á kosið, bjart og létt gola á eftir með örlítilli öldu sem ýtti aðeins á og bætti hraða flestra. Þessi keppni átti að vera helgina á undan en þá var veður óhagstætt og var henni frestað um viku og grillinu sem vera átti eftir keppni var sleppt. 19 keppendur mættu og margir að koma í fyrsta skipti í keppni og fengu þeir 7 mínútna forskot og það kom bara ágætlega út finnst mér. Leiðin var skemmtileg og kom á óvart að sumu leyti og vonandi verður þetta áfram svona og kannski hægt að lengja leiðina með aukahring út með ströndinni ef það er pólitískur vilji fyrir því.
Úrslit keppninar :
