Þetta urðu heilmikil hátíðarhöld , Vorhátiðin 2015 .  Fullskipað var í 10 km róðurinn en einn keppandi skráði sig til leiks í 3 km róðurinn.
Allir rötuðu róðaramenn og konur keppnisleiðina í 10 km , enda með björgunarsveitarbát og 3 kayakleiðsögumenn á öllum hornum og komu í mark svona eftir bestu getu .
En eini keppandinn í 3 km var einmanna á sinni braut og lenti í því að finna ekki leiðina og varð því minna úr keppni en hugur stóð til- enda kannski ekki mikil keppni ef maður er einn á ferð.  Samt skilað keppandinn sér í mark eftir góðan róður með Geldinganesinu- gott hjá henni 

Logn var fyrst um sinn en síðan gerði nokkra vindstrengi öðru hverju hiti var um 7 °C þegar sólin lýsti á okkur en norðan næðingurinn var samt kaldur.  Þegar allir höfðu skilað sér í markið þá beið okkar veisla með pulsum og fleira góðu.
Og að lokum var verðugum veitt verðlaun - og þá var klappað  Semsagt hin besta skemmtun

(Texti og myndir frá Sævari H.)

(smellið á "Nánar / Read more" til að sjá greinina alla)

Sælt veri fólkið
Mér langaði að deila með ykkur smá ferðasögu frá Kanada.

Ég er í leiðsögunámi í Thompson Rivers University í Bresku Kólembíu í Kanada.  Eitt námskeiðið sem ég valdi mér var Sjókayak II þar sem er farið hringferð um eyjuna Quadra sem er austan megin við Vancouver eyjuna. Í heildina var ferðalagið um 100 km, sjö dagar og því sex dagar í tjaldi. Mikið þurfti að hugsa um flóð og fjöru því straumarnir í kring um eyjuna, þegar við vorum þar, fóru upp í 12 hnúta. Því var mjög mikilvægt að hitta í gegn um ákveðna staði á fallaskiptum. 

Við vorum 11 saman í hóp 9 nemendur og tveir leiðbeinendur. Sjö eins sæta báta og tvo tveggja sæta.

Ég ætla að renna stuttlega yfir dagana.