Loks hefur formaður keppnisnefndar lagst yfir bækurnar og reiknað út stöðu keppenda að loknum þremur sjókayakkeppnum. Ennfremur eru hér birt heildarúrslit í sprettkeppninni sem haldin var í tengslum við Egil rauða á Norðfirði, gott ef það var ekki 12. júní. Þar að auki verður hér upplýst hver er veltukóngur Íslands (og nágrennis) árið 2011 en um þann titil var einnig keppt fyrir austan. Virkilega efnismikil frétt, það get ég fullyrt. Þú munt ekki sjá eftir að þrýsta á Read more - lesa meira.
Keppnisskýrsla hefur borist frá Reykjanesi: Róið var inn Reykjafjarðarbotn með vesturbakkanum og síðan út að flugbrautarenda að austan um 7 km. 13 keppendur skráðu sig til keppni en 10 kláruðu. Vindurinn var frekar stífur þegar komið var á seinni legg brautarinnar.
Pétur Hilmarsson sendir kveðjur. Í skeytinu segir að mæting á hitting hafi verið minnsta móti enda hafi verið útlit fyrir frekar krefjandi veður. Fyrstur var Ólafur B. Einarsson sem reri í flokki keppnisbáta. Halldór Sveinbjörnsson var fyrstur karla í flokki ferðabáta og fremst kvenna var Helga Einarsdóttir á Sea Wolf. Smellið á Read more til að sjá heildarúrslit.
Hin árlega BANFF kvikmyndahátíð ÍSALP verður haldin 17. og 18. maí og hefur nú fengið inni í Bíó Paradís. Alls verða sýndar 15 myndir um hverskyns ofurhuga og klifurketti. Tvær kayakmyndir eru líka á dagskránni. Frábær skemmtun fyrir alla sem unna útivist – en ekki síður fyrir þá sem kjósa frekar að sitja í þægilegu sæti og fylgjast með.
Sjá nánar um dagskrána: hér
