Gamlársdagsróðurinn verður á hefðbundnum tíma. Mæting er kl. 9:30 og lagt af stað kl. 10:00.

Útlit er fyrir milt veður og því tilvalið að róa i hópi góðra félaga út i Viðey. Stefnan er að fara suður fyrir og taka kaffistopp i sólskálanum. Þar verða veitingar i boði klúbbsins en þó eru menn og konur hvött til að taka hitabrúsa með drykkjum.

Áætlað er af fara sömu leið til baka þannig að þetta verður ekki mjög langur róður.

Munið að taka með skjólflíkur til að nota i stoppinu.

Endilega tilkynnið þátttöku á korkinum.

Siglingastofnun mun í lok janúar halda fræðslufund fyrir félaga í Kayakklúbbnum um forrit spáir fyrir um haföldu, sjávarföll og strauma. Þetta gerir stofnunin að beiðni Gísla H. Friðgeirssonar sem hafði forvitnast um slíkar spár hjá henni.

Eins og fram kemur á korkinum heldur Siglingastofnun úti vefsíðu með spám um haföldu, sjávarföll og strauma: vs.sigling.is

Þetta líkan fullnægir ekki alveg þörfum okkar kayakmanna og það hefur Gísli skýrt fyrir Siglingastofnun, en þar hefur sérfræðingurinn og yfirmaður rannsókna, Gísli Viggósson, svarað athugasemdum og spurningum og líkar vel að einhverjir hafi áhuga fyrir málinu.

Þessar spár eru í frekari þróun til að ná nær landi og taka mið af grunnslóð og lögun strandar og megum við skoða það sem búið er að vinna fyrir Suðurnes og Vestmannaeyjar - Landeyjar, með þeim fyrirvara að eftir er að bæta líkanið með meiri gögnum um randskilyrði og að spáin er aðeins uppreiknuð einu sinni á sólarhring, enda er forritið þungt í keyrslu.
Slóðin er: www.sigling.is:9000/landeyjar/

Gísli Viggósson er reiðubúinn að halda fyrir okkur fræðslufund með sýnikennslu og nánari skýringum á þessu forriti, en það getur ekki orðið fyrr en í enda jan. n.k. og verður það kynnt nánar - en þið megið fara að hlakka til

Sjá nánar á korkinum