Dagar myrkurs. Opið hús hjá Kajakklúbbnum KAJ, félagi kajakræðara á Austurlandi
Í tengslum við daga myrkurs verða sjóhús klúbbsins í fjörunni neðan við Norðfjarðarkirkju opin fimmtudagskvöldið 11. nóvember kl 20.
Undanfarin ár hefur kajakklúbburinn tekið þátt í dögum myrkurs og skapað skemmtilega stemningu í fjörunni. Fólk er hvatt til að kíkja og kynna sér starfsemi klúbbsins. Vel er tekið á móti gestum með léttum veitingum.
Nánari upplýsingar um Kaj má finna hér
Sportbúðin ætlar að prófa að bjóða Kayakklúbbnum upp á vefverslun með eftirfarandi fyrirkomulagi:
Farið inn á heimasíðu NRS hér og finnið vöru sem þið viljið panta. Afritið slóðina sem vísar á viðkomandi vöru og límið inn í tölvupóst sem sendist á kayakpontun@gmail.com. Tiltaka þarf lit, stærð og fjölda sem pantað er. Þar þarf líka að koma fram kennitala, nafn og símanúmer kaupanda. Allar pantanir eru bindandi. Til að finna áætlað verð vörunnar hingað komna reiknarðu dollarann á 190 kr fyrir fatnað og 180 kr fyrir annað. Hægt er að fá aðstoð og fleiri upplýsingar hjá Magga í síma 8973386.
Hinn rammklassíski næturróður í Viðey vegna tendrunar friðarsúlunnar verður næstkomandi laugardag 9. okt. Friðarsúluróður í Viðey er orðinn einn af föstu liðunum í starfsemi Kayakklúbbsins og margir ræðarar hafa farið í sinn fyrsta næturróður undir þessum formerkjum. Næturróðrar verða stundaðir af krafti í vetur og má líta svo á að Friðarsúluróður marki jafnan formlegt upphaf þeirra.
Dagskrá okkar þann 9. okt. er eftirfarandi:
-Mæting 18.15. Kaffi á könnunni og kruðerí bíður okkar.
-Sjósett kl. 19.15 og stefnt á Viðeyna. Tekið land við Virkisfjöru um kl. 19.45
-Friðarsúlan tendruð kl. 20. Það gerist í nokkrum áföngum. Skemmtilegt áhorfs.
-Haldið heim kl. 20.15 og komið í Geldinganes kl. 20.45.
Ath.: Nauðsynlegur búnaður: róðrarljós á björgunarvestið, utanyfirflík, vettlingar og húfa fyrir róðrarstoppið í Viðey.
Róðrarstjóri er Örlygur Sigurjónsson. Sjáumst hress.
(Vakni spurningar er um að gera að leita svara á korknum.)
