Það er tímabært að minna á hinn árlega næturróður í Viðey, nk. sunnudag, 9. okt. Í fyrra var metþátttaka eða, um 30 manns. Þetta hentar byrjendum líka, þannig að ekki sitja heima og halda að þetta sé fyrir alla hina. Og dagskrá okkar er eftirfarandi:

- Mæting 18.15. Kaffi á könnunni.
- Sjósett kl. 19.15 og stefnt á Þórsnes og ráðist á land við Virkisfjöru um kl. 19.45
- Friðarsúlan tendruð kl. 20. 
- Haldið heim kl. 20.15 og komið í Geldinganes kl. 20.45.

Ath.: (Þetta er með eðlilegum fyrirvara um veður eins og ávallt). Nauðsynlegur búnaður:bátur og tilheyrandi, róðrarljós á björgunarvestið, utanyfirflík, vettlingar og húfa fyrir róðrarstoppið í Viðey.
Róðrarstjóri er Örlygur Sigurjónsson. Sjáumst hress.

Ferðanefnd hefur ákveðið að taka upp þá nýbreytni að standa fyrir viðburðum í vetur.

Ætlunin er að að róa mánaðarlega dagsróður þegar veður leyfir – helst á sunnudögum, en virkur dagur seinnipart gæti líka orðið fyrir barðinu á okkur.
Ekki verður farið langt, heldur er áhersla lögð á skemmtileg svæði í nágrenni höfuðborgarinnar.

Munum við auglýsa brottför, þe. brottfararstað og -stund á Korkinum með örfárra daga fyrirvara, þannig að það er eins gott að fylgjast vel með Korkinum í vetur.

Bæði verður róið á sjó og vötnum, allt eftir aðstæðum og eru eftirfarandi staðir líklegastir :

• Kjalarnes,
• Álftanes,
• Róum um Elliðavatn í ljósaskiptum,
• Þriggja eyja stopp við Sundin blá,
• Örfirisey – Nauthólsvík,
• Hafravatnshringur,

Við minnum á að 9. október verður kveikt á Friðarsúlunni og þá hefur klúbburinn fjölmennt út í Viðey.