Hin árlega BANFF kvikmyndahátíð ÍSALP verður haldin 17. og 18. maí og hefur nú fengið inni í Bíó Paradís. Alls verða sýndar 15 myndir um hverskyns ofurhuga og klifurketti. Tvær kayakmyndir eru líka á dagskránni. Frábær skemmtun fyrir alla sem unna útivist – en ekki síður fyrir þá sem kjósa frekar að sitja í þægilegu sæti og fylgjast með.

Sjá nánar um dagskrána: hér

Næsta laugardag er komið að Hvítárferð. 
Mæting klukkan 9:00 við austurenda stúkunar við Laugardalslaug, þar sem útvegaðir verða bátar og búnaður.  Þeir sem ekki eiga þurrbúning eða blautbúning geta leigt græjur hjá staðarhöldurum á Drumboddsstöðum, en þar ætlum við að vera mætt fyrir klukkan 11:00.

Tilkynnið endilega mætingu til Gumma J.

Við hvetjum sjókallar og -konur til að koma líka. 

ATH. Þeim sem ætla að róa í fyrsta skipti í straumvatni í þessari ferð verða að hafa mætt á æfingar í Laugardalslaug og fara a.m.k. eina ferð í félagsróður í sjókayak til að vera gjaldgengir í ferðina.

Ferðin er gráðuð 1 ár í erfiðleikastig klúbbferða.