Nú er búið að setja inn tímana úr Reykjavíkurbikarnum. Ástæðan fyrir töfinni er sú að keppnisnefnd varð að draga 38 mínútur frá heildartíma í 3 km róðri, því ræst var í 3 km róðri 38 mínútum eftir ræsingu í 10 km. Þetta eru auðvitað alls ekki einfaldir útreikningar.
Hér með staðfestist að Ólafur B. Einarsson setti nýtt brautarmet í Reykjavíkurbikarnum á laugardag og Þóra Atladóttir setti sömuleiðis glæsilegt brautarmet í kvennaflokki. Aðstæður voru hagstæðar á laugardag, nánast stilltur sjór en smávegis snjóbloti á sjónum á síðasta leggnum dró líklega aðeins úr hraðanum. Ólafur bætti metið um 2:36 en Þóra bætti metið í kvennaflokki enn meira eða um 4:48. Keppt hefur verið á núverandi braut frá árinu 2003. Hægt er að sjá bestu tíma í brautinni með því að þrýsta á Read more.
Alls tóku 22 keppendur þátt í Reykjavíkurbikarnum að þessu sinni.
Eins og áhorfendum Ríkissjónvarpsins er kunnugt vann Ólafur B. Einarsson Reykjavíkurbikarinn á laugardag og Þóra Atladóttir krækti í Reykjavíkurbikarinn í kvennaflokk á 1:06:20 á NDK Explorer. Ólafur reri leiðina á feykilega góðum tíma, 52:29 en við fyrstu yfirreið yfir gömul úrslit ber ekki á öðru en að um brautarmet sé að ræða. Það tekur smátíma að nálgast þessar upplýsingar í gagnabanka keppnisnefndar en staðfesting ætti að liggja fyrir á morgun. Glæsilega gert. Ólafur reri á Stellar-brimskíði sínu.
Úrslitin eru nú komin á síðuna - smellið á Read more
