Frækilegu afreki Gísla H Friðgeirssonar lauk á frídegi verslunarmanna, 3. ágúst. Ferðasögunni eru gerð stórgóð skil af Sævari Helgasyni á korkinum hér . Við bætast myndir frá síðasta róðrardeginum hér . Enn og aftur: Til hamingju með frábæran árangur Gísli.
Minni á Vatnagleðina í Skagafirði nú um helgina 24-25 júní, alveg rakið bæði fyrir straumfólk og sjóara. Einnig fyrirlestur og myndasýning Jespers hins danska um hringferð sína um Færeyjar á fimmtudagskvöldinu 23. júní. Meira um málið hér að neðan og á korkinum.
mynd: Jesper Tilsted, http://seaofflames.blogspot.com/
Hér fyrir neðan kemur fram að Ólafur B. Einarsson tryggði sér Íslandsmeistaratitilinn í sjókayakróðri karla með sigri á Suðureyri um helgina en í sömu keppni læsti Heiða Jónsdóttir klónum í Íslandsmeistaratitilinn í kvennaflokki. Hún er nú með 180 stig, 80 stigum fleiri en harðvítugir keppinautar hennar í 2.-3. sæti. Miðað við útreikninga keppnisnefndar þarf Heiða aðeins að tryggja sér 21 stig í Hvammsvíkurmaraþoninu til að landa titlinum. Hún gæti sem sagt lent í 12. sæti (22 stig) og samt orðið meistari. Með öðrum orðm þarf hún aðeins að ljúka keppni því aldrei hafa svo margar konur tekið þátt í þessari móður allra íslenskra sjókayakkeppna. Forfallist Heiða af einhverjum orsökum eiga þrjár konur fræðilegan möguleika á að hrifsa af henni Íslandsmeistaratignina; Helga Einarsdóttir (nú með 100 stig), Shawna M. Franklin (nú með 100 stig) og Anna Lára Steingrímsdóttir (nú með 80 stig). Úrslit eru sem sagt alls ekki ráðin í kvennaflokki þótt Heiða hljóti að teljast afar sigurstrangleg.
Hilmar, Erlingur, Halldór. Mynd: Dóri
Hér fyrir neðan fylgja úrslit á Suðureyri og upplýsingar um stöðuna í Íslandsmótinu.
