Nú er vefurinn kominn á nýjan stað og á gamla íslenska lénið komið upp.
Eitthvað gæti þó verið eftir af tenglum sem þarf að lagfæra og erum við að fara yfir það. Ef þið sjáiið einhverja tengla sem ekki virka þá endilega látið okkur vita í pósti á vefstjorn hjá kayakklubburinn.is .
Spjallið hefur tekið nokkrum stakkaskiptum líka. Stuðningur við það gamla var ekki lengur til staðar svo við uppfærðum það líka.
Nú geta kayakkonur og - menn loks skipulagt sumarfríið sitt af einhverju viti því bæði ferða- og keppnisnefnd hafa lokið við dagskrá sumarsins.
Allir ættu að finna eitthvað við sitt hæfi.
Athygli er vakin á flokkun ferða eftir erfiðleikastigi. Ítarlegri dagskrá verður í stuttu Fréttabréfi sem kemur út í þessum mánuði (vonandi).
Viðburðir verða auglýstir nánar eftir því sem nær dregur, annað hvort á fréttasíðu eða á korkinum.
Aðalfundurinn fór vel og siðsamlega fram á miðvikudaginn var. 25 manns mættir sem er orðin standard mæting á aðalfund. Þarna var hins vegar afar góðmennt og fjörlegar og góðar umræður fóru fram eftir að búið var að fara yfir ársskýrsluna sem má finna hér . Mannabreytingar í stjórn voru þær að Halli Njáls og Sæþór voru sáttir við að hleypa nýju og fersku fólki að og Gísli Karls og Þóra Atladóttir komu inn í stað þeirra. Halla og Sæþóri eru þökkuð fín störf í stjórn og Gísli og Þóra boðin velkomin. Stjórnin öll er talin upp undir "Klúbburinn" - "Stjórn"
Á fundinum var helst rætt um öryggismál eins og komið hefur fram hefur verið á korkinum, unglingastarf klúbbsins í framtíðinni og aðstöðumál. Þessi mál verða öll unnin áfram í þar til bærum nefndum.
