Hringfararnir tilvonandi John Peaveler og Magnús Sigurjónsson lögðu upp frá Geldinganesi um klukkan hálf elllefu í morgun. Með þeim reru þrír félagar í klúbbnum, þeir Örlygur Steinn Sigurjónsson sem ætlar að verða þeim samferða upp á Snæfellsnes, Páll Gestsson formaður og Gunnar Ingi Gunnarsson sem sögðust í morgun ætla að snúa við á Akranesi. Eiginkona Johns, Ayesha, var þarna einnig og dóttir þeirra á öðru ári. Um ferð þeirra Johns og Magnúsar var skrifað í blaði allra landsmanna, Morgunblaðinu, í morgun. Meiri upplýsingar um ferðina er einnig að finna á korknum.
Úrslit í sprettkeppni og staðan!
Hilmar Erlingsson tók forystu í Íslandsmeistarakeppni á sjókayak um helgina þegar hann bar sigur úr býtum í sprettkeppninni á Agli rauða. Aðeins munaði einni sekúndu á honum og Þorsteini Sigurlaugssyni. Þorsteinn getur nú hætt að gráta því hér með tilkynnist að annað sætið færði Þorsteini 80 stig en þar með skaust hann eins og raketta alla leið upp í þriðja sætið í heildarstigakeppninni og upp fyrir Pál Reynisson. Steini spútnik er hann víst kallaður fyrir austan, eftir þetta. Flóknum útreikningum á stigum og stöðu í Íslandsmeistarakeppninni lauk á ellefta tímanum í kvöld (fimmtudagskvöld). Smellið á "Read more" til að sjá heildarúrslit
Næsta keppni á sjókayak, Bessastaðabikarinn, verður haldin á baráttudegi kayakkvenna, 19. júní. Upplagt er að halda upp á daginn með því að róa fyrir Álftanesið. Róðraleiðin er alveg sérdeilis smart.
Sjóbáta og nýliðaferð í Hvítá
Þá er komið að því!
Sæl og blessuð öll.
Þá er komið að hinni árlegu og mjög svo spennandi nýliðaferð í Hvítá.
Planið er að fara laugardaginn 29. maí og verður lagt af stað frá sundlaugini í laugardal, austurenda stúkunnar við brúnu trégirðinguna. Við mætum þar klukkan 09:00 og leggjum í hann ekki síðar en 09:30. Þeir sem ætla að hitta okkur á Drumbó mæta þar klukkan 11:00.
Nánar í read more......
Fleiri greinar...
Öryggisbæklingar
