Hringróður um Ísland ,2013

?

37. róðrarleggur: Haganesvík- Siglufjörður

Núna í morgunsárið þann 6. júlí um kl 7:45 lögðu þau, Guðni Páll og róðrafélagi hans,Þóra Atladóttir upp frá Hagnesvík þar sem þau hafa beðið ferðaverðurs í um viku tíma og er för nú heitið til Siglufjarðar .

Veður þarna Norðanlands hefur verið afar óhagstætt bæði til loft og sjávar í viku tíma .
Nú rofar smávegis til í dag , en síðan skellur á slæmt veður á ný.

Þó eru horfur á mánudag þann. 8 júli nokkuð góðar og síðan fram eftir vikunni.
Þannig að Guðni Páll ætti að ná langt þá vikuna.

Vonandi fer að komast kyrrð á þann veðraóstöðuleika sem Guðni Páll hefur átt við að glíma stóran hluta róður síns um Ísland.
Ég heyrði í Guðna Páli rétt í þessu þar sem þau eru á róðri skammt sunnan við Mánárskriður og allt gengur vel hjá þeim.

Guðni Páll er ekki alveg búinn að fá fulla orku eftir sýkinguna sem hann fékk fyrir viku , en er samt allur að braggast.
Þegar þau koma á Siglufjörð verður tekin ákvörðun með framhaldið í dag-hvort lengra verður haldið, en veðrið ræður för.

Veður: Logn og hiti um 12 °C

Sjólag: Sem næst sléttur sjór

Fréttir af róðrinum verða birtar hér eftir tilefnum:

09:50
Þau Guðni Páll og Þóra hafa nú verið 2 klst á róðri og halda meðalhraðanum 6 km/klst
Komutími til Siglufjarðar gæti verið um kl 11:30

Kl 12:10 er komutími þeirra Guðna Páls og Þóru í höfn á Siglufirði eftir 23 km róður frá Haganesvík eða tæpa 4.5 klst. Ennþá hef ég ekkert heyrt frá þeim en upplýsi nánar um framhaldið síðar.

Kl 13:30 Guðni Páll hringdi í mig frá Siglufirði og upplýsti um ferðina í morgun.
Þau voru í blíðu allt þar til þau koma mótsvið Mánárskriður.
Þá skellur á N vindur og sjór ýfist upp.
Það varð því mótbarningur hjá þeim allt þar til þau taka kúrsinn fyrir Sauðanesvita og stefna inn Siglufjörð- þá fá þau lens allt ínn í höfn á Siglufirði.
Vangaveltur voru hjá þeim að þvera Siglufjörð og fara inn í Héðinsfjörð - en veðurupplýsingar gáfu tilefni til að hætta við það.
Nú er orðið fárvirði á Húnaflóa og færist austur með Norðurlandi í dag og á morgun.
Annað kvöld fer að lygna og á mánudagsmorgun 8.júlí verður orðið gott ferðaveður .
Það virðist síðan haldast út vikuna.
Það kemur í ljós á morgun hvort Þóra Atladóttir heldur áfram næstu vikuna eða þarf að láta staðar numið...

Kort af róinni leið um Ísland
plus.google.com/photos/11326675796839424...13266757968394245330

Á róðri í vondu veðri

Mynd: Guðni Páll

Ég var að heyra í Guðna Páli þar sem hann er staddur á Akureyri.
Hann bíður veðurs og sjólags til framhaldsins.
Mikill sjór er fyrir norðurlandi og ekki ferðafært.
Þrálát norðanátt hefur verið frá því hann lenti í Haganesvík .
Það er von til að hægt verði að róa eitthvað á föstudag 5. júli og þá til Siglufjarðar.

Síðan eru veðurspár ásamt sjólagi slæmar fram yfir helgi.
Þannig að þessi þráláta norðanátt með mjög erfiðu sjólagi og kulda-hindrar för.

En það er engin uppgjöf í Guðna Páli síður en svo.
Nú er það þolinmæði að bíða af sér veðrið og gefa svo duglega í þegar því linnir- og klára róðurinn á Höfn í Hornafirði. Við skoðun á hringferðum fyrri kayakræðara er ljóst að Guðni Páll hefur fengið alversta veður þeirra allra.

En Guðni Páll er staðráðinn í að sigra.

Af Guðna Páli er það að frétta að fyrir norðurlandi hefur ekkert ferðaveður verið frá því hann tók land í Haganesvík.
Guðni Páll var með kynningu á Akureyri í gær þar sem hann fræddi fólk um róðurinn um Ísland .
Ég hef ekki náð sambandi við hann í morgun.
En það er ekki útlit fyrir róður vegna veðurs og sjólags fyrr en á föstdag 5 júlí .
Síðan kom nokkrir góðir dagar. Veðurfarið hefur reynst Guðna Páli einstaklega erfitt og tafasamt á öllum hans langa róðri. Ísland er eitt af erfiðustu siglingasvæðum heims.
Frekari fréttir þegar ég hef náð sambandi við Guðna Pál ,um framvinduna.

Ps. Við frekari skoðun á verðurkortum er útlitð slæmt þarna á norðurlandinu ,sem séð verður.

Sævar!
Margir eru líklega að kíkja á vefsíðuna og kanna hvað sé að frétta af okkar manni.
Veðurath. kl. 10 á Sauðanesvita segir V 6 m/s og talsverður sjór.
Votviðri en skyggni var 60 km kl. 9.
Með kvöldinu versnar spáin, snýst í meiri vind og NA.

36. róðrarleggur: Lónkot í Skagafirði- Haganesvík í Fljótum

Róðrarleiðin 21 km.


Nú þegar komið er í Haganesvík í Fljótum, eftir mjög erfiðan róður frá Lónkoti í Skagafirði í allt að 2 ja metra ölduhæð á hlið og miklu frákasti frá ströndinni ,sem skapaðu viðbótarólgu í sjólagi – er framhaldið endurskoðað .

Ljóst er að róður framundan til Siglufjarðar yrði mjög erfiður á móti vindi og þessari 2 ja metra haföldu og fátt um lendingarstaði á leiðinni.– þá er niðurstaðan sú að láta staðar numið í dag í Haganesvík í Fljótum.

Að baki eru 21 km frá Lónkoti í Skagafirði.

Guðni Páll er ekki búinn að ná sér að fullu af lasleikanum sem hrjáði hann í gær.
Þeyta sækir mjög á.

Það er verið að ná í þau og aka þeim til Siglufjarðar í gott gistipláss.

Í fyrramálið verður staðan skoðuð með veður og sjólag frá Haganesvík og til Siglufjarðar.

Þrátt fyrir þetta eru báðir ferðagarpanir, Guðni Páll og róðraféagi hans ,Þóra Atladóttir, hress eftir aðstæðum

Kort af róinni leið um Ísland
plus.google.com/photos/11326675796839424...13266757968394245330

36. róðrarleggur: Lónkot í Skagafirði - Siglufjörður

Siglufjörður

Ljósmynd, Mats Wibe. www.Mats

Nú um kl. 15:40 leggja þau Guðni Páll hringróðrarfari og Þóra Atladóttir, kayaræðari upp frá Lónkoti í Skagafirði.
Róðrarleið þeirra mun liggja norður Málmeyjarsund og inn á Fljótavíkina fyrir Haganesvíkina með Mánárskriðum , fyrir Sauðanesvita og inn á Siglufjörð – alls um 44 km leið.
Þau munu þræða ströndina á leið sinni og taka hvíldarstopp eftir hentugleikum.
Vindstrengur verður fyrstum sinn á móti , síðan á hlið. Það lægir með kvöldinu.
Guðni Páll er allur að ná sér eftir lasleikann í gær , en þó ekki fyrr en nú , að hann metur sig klárann í róðurinn.

Veður: N og NA 5-8 m/sek og kalt í lofti um °6C

Sjólag : 0.5 m ölduhæð

Fréttir af gangi róðurs verða birtar hér eftir tilefnum :

Kl. 19:21
Nú eru kayakræðararnir að fara yfir Haganesvíkina í Fljótum og hafa lagt að baki um 20 km á 3,5 klst .
Þau eru í 5-8 m/sek mótvindi og öldu sem fylgir. Hitinn hefur hækkað úr 6 °C í 7 °C þannig að það er nokkur kæling hjá þeim. En nú eru þau að komast í skjól fyrir NA áttinni alveg til Siglufjarðar-þá léttist róðurinn og kælingin minnkar.



Kort af áætlaðri róðrarleið

Að loknum 35. róðrarlegg : Hraun á Skaga- Lónkot í Skagafirði

Róðrarleiðin


Eins og fram kemur í fyrri pistli lögðu þau Guðni Páll og Þóra Atladóttir,kayakræðarar upp frá Hrauni á Skaga kl 7:35 í morgun og settu stefnuna á austanverðan Skagafjörð nálægt Fljótum.

Þau vorum mjög djúpt úti.

Veður reyndist eins og sagt var frá i fyrri pistli 0.5- 1,5 m ölduhæð og aftan til á hlið en 5-6 m/ sek NV vindur þannig að það varð mest lens.

Ferðin framan af gekk vel en á seinni hluta ferðar fór Guðni Páll að finna til lasleika sem frekar ágerðist.
Þau hugðust taka land í Málmey en hurfu frá vegna slæmra lendingaskilyrða þar.

Eftir upplýsingar frá aðstoðarliðinu í landi var ákveðið að þau settu stefnu á Lónkot þar sem ljóst var að Guðni Páll þurfti að fá skoðun á krankleikanum .

Við Lónkot lentu þau um kl 13:40 að loknum 37 km róðri.
Guðni Páll leitaði síðan læknis á Hofsósi og lasleikinn greindur .
Hann hafði fengið sýkingu og sem betur fer á byrjunarstigi -þannig að viðeigandi lyfjagjöf leysti vandann,
Hann nýtur síðan hvíldar í dag og nótt- að því búnu er hann eðlilega róðrarfær á ný.

En það var mjög gott að tveir bátar voru á ferð ,meðan á þessu gekk - á þverun Skagafjarðar


Kort af róinni leið um Ísland
plus.google.com/photos/11326675796839424...13266757968394245330

35.róðrarleggur : Hraun á Skaga - Fljót í Skagafirði

Drangey í Skagafirði

Ljósmynd, Mats Wibe, www.Mats

Þau Guðni Páll og Þóra Atladóttir lögðu upp um kl 7:35 í morgum þann 29. júní frá Hruni á Skaga .
Þau er núna um kl 10 stödd á miðjum Skagafirði -djúpt út og stefna á Fljótin í Skagafirði utan Drangeyjar og Málmeyjar.

Þar sem ekkert samband hefur verið við þau áður en þau lögðu upp er ekki nákvæmlega vitað um þeirra fyrirætlan
Það kemur í ljós síðar í dag .

Á myndinn hér að ofan er Drangey í forgrunni -þá sér í Málmey fjær t. v þá Þórðarhöfði t.h og síðan Fljótin í Skagafirði - en þangað stefna þau.

Það hefur verið stutt hvíldin hjá Guðna Páli eftir róðurinn frá Skagaströnd sem lauk að Hrauni á Skaga kl 2:45 í nótt.

Veður NV 5-6 m/sek bjart . Hiti 7 °C

Sjólag Ölduhæð 0.5 - 1 m frá N

Fréttir birtast hér eftir tilefnum :

Kl 10:50 Róðrarleiðin þar sem þau Guðni Páll og Þóra,kayakræðarar eru að þvera Skagafjörðinn ,djúpt úti, er um 33 km Glæsileg leið hjá þeim

Kl 10:51 Þau Guðni Páll og Þóra hafa nú lagt að baki 22 km leið frá því þau lögðu upp frá Hrauni á Skaga og eiga eftir 11 km róður að landi vestast í Fljótum í Skagafirði. Meðalhraði þeirra er um 7 km/klst . Þau hafa að mestu lens þó aldan sé að mestu aftan til við hlið . En við fáum söguna þeirra síðar.

Kl 12:00 Nú eru þau fast upp við norðurenda Málmeyjar -kannski taka þau hvíldarpásu austan í Málmey ?
Um 4.8 km eru eftir að fastalandinu í austanverðum Skagafirði.

12:56 Eitthvað var stoppið stutt í Málmey. Nú stefna þau inn Skagafjörðinn og um 10-12 km úr leið og að þjóðvegi 76 þar sem hann liggur næst sjó. Þau eiga nokkrar mínútur þangað.

Kl. 13:40 Guðni Páll og Þóra Atladóttir,róðrarfélagi Guðna, á þessum legg-eru nú lent í fjörunni undan bænum Lónkoti á austurströnd Skagafjarðar -utarlega. Kannski láta þau staðar numið þarna í dag - enda Guðni Páll búinn að róa rúmlega 80 km á sl. 19 klst og lítil hvíld í nótt á Hrauni á Skaga. Það eru heldur mikil átök á svo skömmum tíma og í mótvindi stóran hluta leiðar í gær.

Kl 14:20
Guðni Páll kenndi nokkurs lasleika á seinni hluta róðurs frá Hrauni á Skaga og var því leitað lands. Hann er nú á leið til Hofsóss í bíl -til að fara í smá tékk með lasleikann. Annars var Guðni Páll hress í tali þegar hann hringdi áðan.
Frekari fréttir af stöðu mála verða settar inn í kvöld-þegar Guðni Páll hefur farið yfir stöðuna.

Kort af áætlaðri róðrarleið

34. róðrarleggur : Skagaströnd – Hraun á Skaga

Kálfshamarsvík á Skaga

Mynd: Norðurland.is (fengin að láni af netinu )

Guðni Páll leggur upp frá Skagaströnd kl um 19:25 og setur stefnuna á Kálfshamarsvík utarlega á Skaga.
Síðan liggur leiðin allt til Hrauns á Skaga rétt við Skagatá.
Þetta er um 48 km róður.
Og á Hrauni lætur Guðni Páll fyrirberast í nótt .

Á Hrauni bætist við í leiðangurinn, hún Þóra Atladóttir ,kayakræðari .
Hún áætlar að róa með Guðna Páli einhverja leið um Norðurlandið.

Vindur og sjólag verður aðeins á móti til að byrja með en síðan lygnir.

Veður : NV 4-5 m/sek hiti um 9 °C

Sjólag: Ölduhæð er 0.4 m


Fréttir af róðrinum birtast hér:

Kl. 21:34 Nú er Guðni Páll búinn að róa 13.5 km frá Skagaströnd og á eftir 10 km í Kálfshamarsvík. Þar tekur hann væntanlega pásu. Hann sló á þráiðnn rétt í þessu og var að fá veðurspá fyrir svæðið-fannst orðið langt í lognið sem spáð var. Það logn er eftir að Kálfshamarsvík sleppir - samkv. korti. Svona er tæknin mikil í dag .

KL 23:25 Guðni Páll er búinn að taka smá stopp í Kálfshamarsvík og er lagður af stað að Hrauni á Skaga . Þangað er um 22,5 km róður frá Kálfshamarsvík. Það er mikil rigning hjá honum þessa stundina og vindar upp öðru hverju.

Guðni Páll lauk róðrinum kl. 2:45 nóttina 29.6 að Hruni á Skaga

Kort af róinni leið
plus.google.com/photos/11326675796839424...13266757968394245330

Kort af róðrarleiðinni : Skagaströnd- Hraun á Skaga um 48 km

---

Kálfshamarsvík

Á Kálfshamarsnesi myndaðist fyrsti vísir að þorpi í upphafi 20. aldar.
Það varð aldrei fjölmennt, rétt um 100 manns þegar flest var á árunum um 1930 ,.
en fór að mestu I eyði upp úr 1940

Í Kálfshamarsvík er góð hafnaraðstaða frá náttúrunnar hendi.
Þaðan var einnig stutt á fiskimið en það er hinn gamli grunnur sjávarbyggða við Ísland –fyrir tíma tæknialdarinna -að stutt væri að róa á miðin.

Einkum var róið frá Kálfshamarsvík að sumarlagi og fram undir jól
en þá var algengt að karlar héldu til Suðurnesja á vertíð .

Í Kálfshamarsvík er stór viti og í víkinni má sjá mikið af sérstöku og fögru stuðlabergi

Landlega á Skagaströnd

Guðni Páll


Nú viðrar ekki á sjó á austanverðum Húnaflóa. Það er hvöss SV átt og haugasjór á þeirri róðrarleið sem leið Guðna Páls mun liggja um. Það er því landlega hjá Guðna Páli á Skagaströnd.
Guðni Páll sló á þráðinn áðan og lýsti aðstæðum.
Veðurútlit á morgun er heldur ekki gott - hvað sem verður.

Um helgina bætist nýr róðrafélagi í leiðangurinn. Okkar knáa kayakkona Þóra Atladóttir hefur hug á að róa með Guðna Páli eitthvað af leið hans um Norðurland.
Þetta er fagnaðarefni.
Ágætt t.d við þverun Skagafjarðar að tveir bátar séu á ferð .
En þetta skýrist allt þegar Guðni Páll leggur upp frá Skagaströnd

Að loknum 33. róðrarlegg : Drangsnes-Hindisvík- Skagaströnd

Kort af róðrarleið þann 25. Júní 2013


Róður dagsins í dag þann 25.júní er einstaklega glæsilegur hjá Guðna Páli.

Hann hefur þverað Húnaflóann þar sem hann er breiðastur og jafnframt bætt um betur og er hálfnaður með leiðina norður Skaga- alls 60 km róður og með einu stoppi í 1 klst í Hindisvík nyrst á Vatnsnesi.

Það er eitt orð yfir þetta : Afrek.

Róðurinn frá Drangsnesi í Hindisvík spannar 36 km og á hafi úti og róðurinn frá Hindisvík til Skagastrandar spannar 24 km ,einnig á hafi úti.

Guðni Páll lagði upp frá Drangsnesi um kl 10:00 í morgun og hann lenti í höfninni á Skagaströnd kl 21:45 nú í kvöld.

Veður er hefur verið gott ,nokkur innlögn í morgun frá hafi og á hlið en síðan 3-6 m/sek frá ýmsum áttum.. Hlýtt í lofti en skýjað.
Nú er Guðni Páll kominn á Norðurlandið

Kl 22:40
Guðni Páll sló á þráðinn nú rétt í þessu.
Hann er bráðhress eftir þennan mikla róður.
Móttökurnar á Skagaströnd voru sem konungur væri kominn að landi.
Sex björgunasveitarmenn biðu á bryggjunni og báru bátinn með öllu inní hús björgunarsveitarinnar og Guðna Páli boðin gisting -á staðnum.
Það sama var uppi á teningnum á Drangsnesi -móttökur sem þjóðhöfðingi væri mættur.
Guðni Páll er afar þakklátur fyrir þessar góðu móttökur sem hann fær.

En að róa aleinn í nærri 11 klst á hafi úti reynir mjög á andlegan styrk.
Sama hvernig er litið á þennan róður : Afrek

Kort af róinni leið um Ísland
plus.google.com/photos/11326675796839424.../5872738073399053505

Gleður mig að sjá kraftinn í mínum manni núna.

Það er mikilvægur áfangi að komast yfir Húnaflóa, hvernig sem það er gert, en slóð Guðna Páls er nálæg minni gömlu leið.
Ég kannast meira að segja við stefnubreytinguna úti á miðjum firði á leiðinn að Vatnsnesi.
Það gerist þegar maður "sér til lands" í þeirri merkingu að þetta muni hafast án vandræða.
Hví þá ekki að stefna tafarlaust út með nesinu ?

Vona að okkar maður fái góða hvíld í nótt.

Gísli H. F.

33. róðrarleggur. : Drangsnes- Svaðbarð-Hindisvík á Vatnsnesi

Hindisvík nyrst á Vatnsnesi

Mynd: www.selasetur.is

Nú um kl 10:00 lagði Guðni Páll upp frá Drangsnesi og er nú að þvera Húnaflóann yfir að Svalbarð á Vatnsnesi.
Það er um 26 km leið að róa og því á hafi úti lengst af.
Veður er nú skaplegt til róðra en breytingar eru í nánd á Húnaflóasvæðinu.
Það er því mikilvægt að hann nái að fara sem lengst yfir að austurströnd Húnaflóans ,í dag.

Eftir að Svalbarð er náð þarf Guðni Páll að róa norður með Vatnsnesinu og í Hindisvík, sem er nyrsti hluti Vatnsnessins .
Sá leggur eru um 16 km frá Svalbarð.

Og þá er það stóra spurningin um veður þegar þangað er komið- verður fært yfir á Skagaströndina í dag ?
Ef ekki þá verður einhverra daga bið því að veður fer vesnandi.
Við fylgjumst með Guðna Páli.

Fréttir af róðrinum verða birtar hér eftir tilefnum

Kl. 11:40
Guðni Páll er nú um það bil hálfnaður á þverun sinni frá Drangsnesi yfir á Vatnsnes. Hann stefnir á landið mitt á milli Svalbarð og Hindisvíkur. Sennilega tekur hann land fyrst í Hindisvík og metur framhaldið þar.
Nokkur bið verður sinðan á næstu innsetningu ,milli 14-15 í dag.

Kl 15:20
Þá er Guðni Páll lentur í Hindisvík eftir 36 km róður frá Drangsnesi og þverun á Húnaflóa.
Þetta er hans lengsti samfelldi róður á hafi úti , án landtöku .

Glæsilegt afrek hjá Guðna Páli. Ásæða til að segja "Til lukku"

Kl 16:20
Var að heyra í Guðna Páli þar sem hann er nú staddur í fjörunni í Hindisvík ,nyrst á Vatnsnesinu .
Hann er bæði sæll og glaður með þennan stóra áfanga , Drangsnes-Hindisvík.
Nú tekur hann sér matar og hvíldarpásu í um klst. og spáir í sjólag og veður yfir á Skagaströnd þar sem styrsta leið yfir er um 18 km róður.
Allt útlit í veðurkortum er mjög gott, en vegna fjalllendis og hefðbundinnar innlagnar inn Húnaflóann er ekki alveg á vísan að róa.
Allt þetta verður Guðni Páll að meta núna næsta klukkutímann.
Á róðrinum í morgun var innlögn inn Húnaflóann og framanundir á hlið-5-7 m/sek.

Kl 18:17
Nú er Guðni Páll lagur af stað frá Hindisvík og með beina stefnu yfir á Skagaströnd (sjá kort)
Það er um 18 km leið og 3 ja klst róður.
Á seinnihluta róðursins gæti verið kominn nokkur vindur af suðri og þá á hlið, en lítil alda.
Hitastig þarna er þægilegt og mikill munur og þess sem var á Hornströndum.

KL 19:34
Spotttækið hefur ekki náð sambandi fyrr en nú rétt í þessu -mikið fjalllendi nálægt. En Guðna Páli miðar vel. Hann setti stefnuna beint á þorpið Skagaströnd og á nú eftir um 14 km róður þangað eða innan við 2 klst. Veður er mjög gott og hljóðið í Guðna Páli að samaskapi gott.

Kl. 20:44
Guðni Páll heldur meðalhraðanum 6,2 km/klst og verður því um kl 21:45 í höfn á Skagaströnd

Meira síðar i kvöld að afloknum þessum mikla róðrardegi.

Kort af áætlaðri róðrarleið


Hindisvík, sellátur

Mynd,www.selasetur.is

Hindisvík er einkum þekkt fyrir mikið selalátur. Hindisvík hefur verið friðuð frá 1940 vegna þessa einstöku tilveru sela sem þangað sækja .
Vegna mikillar aðsóknar ferðamanna hefur Hindiavík verið lokuð ferðamönnum frá árinu 2008.
Sel hafði fækkað þar mjög og var ásókn ferðamanna kennt um.
Það tel ég ekki alveg næga skýringu þar sem sel hefur almennt fækkað um norðvestanvert landið á seinni árum.
Það segja mér selveiðimenn á Dröngum á Ströndum....

32. róðrarleggur : Norðurfjörður - Drangsnes

Drangsnes við Steingrímsfjörð

Ljósmynd, Mats Wibe, www.Mats

Núna um kl 13:30 lagði Guðni Páll upp frá Norðurfirði og rær suður Húnaflóann að vestanverðu.
Markmiðið er að ná til Drangsnes í mynni Steingrímsfjarðar á næstu tveimur dögum .
Guðni Páll er nokkuð lúinn ennþá eftir átakaróðra frá Aðalvík á Hornströndum og til Norurfjarðar á Ströndum- en samt allur að jafna sig.
Hann gæti því tekið stutta leggi um sinn-þó markmiðið sé Drangsnes.

Draumur allra kayakræðara sem hafa lagt í þrekraunina að róa umhverfis Ísland-er að þvera Húnaflóa frá Gjögri yfir í Kálfshamarsvík á Skaga.
Það hefur fáum tekist - man eftir einu tilviki.
Til að róa þá 40 km þverun langt á hafi úti- þarf einstök veðurskilyrði til lofts og sjávar.

Guðni Páll lét drauma sína snúast um þetta- en næstu dagar, ef ekki vikur gefa ekkert færi á að láta drauminn rætast.

Guðni Páll mun því róa yfir Húnaflóann innar og þvera frá Drangsnesi yfir að Hindisvík á Vatnsnesi og síðan þaðn að Kálfshamarsvík.

En þetta er svona planið

Fréttir af róðrinum birtast hér:

Kl 17:14
Guðni Páll er nú staddur norðarlega í Kaldbaksvík eftir 27 km róður frá Norðurfirði. Hann er um það bil hálfnaður að Drangsnesi. Hvort hann lætur fyrirberast þarna kemur í ljós.

Kl 18:35
Guðni Páll lét ekki staðar numið í Kaldbaksvík. Hann er nú við Kóngsey sunnan við Kaldbaksvíkina og á eftir um 18 km róður að Drangsnesi .

Kl 19:34
Það er mikil ferð á Guðna Páli inn Húnaflóann-> 8 km/klst.
Hann á eftir 11 km róður að Drangsnesi og gæti orðið þar um kl. 21:10

Kl 21:24
Þá er Guðni Páll kominn til Drangsnes að loknum 53 km róðri frá Norðurfirði á Ströndum.
Glæsilega gert hjá Guðna Páli

Kort af róinni leið um Ísland
plus.google.com/photos/11326675796839424...13266757968394245330

Kort af róðrarleiðinni frá Norðurfirði- Drangsnes í Húnaflóa