Hjól - Róður - Fjallganga

Nýr dagskrárliður með alhiða og hæfilegri áreynslu! Veðurspáin fyrir sunnudaginn er góð. Mæting er fyrst með hjólin við brúna yfir Elliðaárnar við Geirsnef kl. 9.00 og hjólað í Geldinganes.
Kl. ca. 10.00 - 10.30 er róið úr Geldinganesi inn í Kollafjörð. Mæta má beint í Geldinganesið og jafnvel Kollafjörðinn.
Kl. ca. 11.30 - 12.00 verður gengið á Esjuna og má gera ráð fyrir að gangan taki allt að 3 klst. með öllu (upp, niður, skipta um föt og næra sig).
Kl. ca. 14.30-15.00 verður róið til baka í Geldinganes og kl. ca. 15.30 - 16.30 er komið í land þar.

Frestað!
Sjá nánar á korknum

Á dagskrá Sviða er kajakkeppni laugardaginn þann 9. júní kl. 12:20

Keppisleiðin er þannig að byrjað er í fjörunni fyrir framan við Katrínarkot í Garðabæ (við bæjarmörkin), róið fyrir Hlið inn í Skógtjörn fyrir bauju og aftur út á haf. Síðan liggur leiðin fyrir Hliðsnes, Hrakhólma þaðan áfram inn í Skerjafjörð. Þegar komið er inn í Skerjafjörð er róið beint í austur fyrir Seylu og Bessastaðanes. Lokaáfanginn er Lambhúsatjörnin inn í fjöruna og markið undir kirkjunni á Bessastöðum. Róðrarleiðin er samtals 12.2 km. Þessi róðrarleið getur verið glettilega erfið vegna áhrifa sjávarfallastrauma og vindafars í kringum Álftanes.